Alis

Alis (hurup Arab Gundul: اليس‎) di sebagèan besar héwan nété' entu atu bagèan nyang rada njelot di atas dua telakop mata èn gableg rambut-rambut alus dikit. Alis gunanya kanggo bakal nglindungin mata nyang peka' ama kècèsan keringet nyang jatoh deri jidat, aèr ujan, atawa sinar mataari nyang kelèwat parak.

Alis mata

Alis mata punya bentuk kalo di orang biasanya kaya' bulan sabit nyang bèngkokannya rada tajem di bagèan pengpèlengan. Kaga' jarang juga kepapagan ada orang nyang alisnyah pada kecangcang jadi atu kèbot ama kanannya.

Bentuk alis mata èn arah nongolnya itu rambut di alis maksudnya mah biar itu keringet atawa aèr bisa langsung ngrojog deri jidat ke pipi atawa ke tongolan idung. Bentuk tulang jidat di bagèan alis mata juga' kanggo bakal ngalingin mata deri kècès-kècèsan keringet ama aèr.

Alis mata juga' kepaké bakal nahan macem-macem kotoran nyang bisa kelilipan ke mata, kaya' pasir, debu, ama ketombé. Selaèn entu, rambut di alis mata juga' nambah kepekaan kulit biar bisa ngrangsanin adanya benda asing nyang ada di deketnya mata, kaya' serangga nyang mau masup ke mata.

Dalem ubungan anterorang, gènèngan alis mata bisa juga' kanggo bakal alat ngungkepin maksud, kaya' lenga', ngomèl, kèder, atawa ora ngarti.