Anjing

thumb|Tampang anjing jenis Siberian Husky Anjing (hurup Arab Gundul: أنجڠ) atawa guguk (hurup Arab Gundul: ݢوݢک) dalem basa Latin entu Canis lupus familiaris ya'entu hèwan mamalia nyang udah dirumahin deri serigala sederi 15 rèbuan taon. Kalo ngiat ke penemuan posil atawa tès DNA bisa jadi uda ada juntrungan sederi 100 rèbu taon. Pemerdata bilang kalo riwayat pengrumahan anjing uda lama sekali.

Anjing uda bekembang jadi ratusan ras dengen macem-macem jenis. Warna rambut anjing bisa beragem, ada nyang puti ampé item, ada juga mèra, abu-abu, biru, atawa cokelat. Terusannya, anjing ada punya beragem jenis rambut. Rambutnya ada nyang lurus, kiwil, atawa kasar ampé lembut kaya benang wol.