Birma

Kiblik Persatuan Myanmar ပြည်ထောင်စု သမ္မတ မြန်မာနိုင်ငံတော်‌ (Birma) Pyidaunzu Thanmăda Myănma Nainngandaw
Ibu negeri	Naypitaw
Nama pengendek	Birma

Birma (hurup Arab Gundul: بيرما) atawa nama resminya Kiblik Persatuan Mianmar (hurup Arab Gundul: ريفوبليك فرساتوان ميانمر; Birma: ပြည်ထောင်စု သမ္မတ မြန်မာနိုင်ငံတော်‌, Pyi-daung-zu Myan-ma Naing-ngan-daw), entu atu negara nyang letaknya di Asia Kidul-Wètan. Ini negara letaknya di Asia Kidul-wètan Daratan, watesan ama Muang-Tai di belètan, Tiongkok di blèlor ama di belah lor-wètan, Negeri Hindi èn Bangladès di lor-kulon, Teluk Benggala di bekulon, ama Laot Andaman di bekidul. Pulo nyang paling gedénya entuh Pulo Kadan Kyun. Dia punya ibu negeri nama Naypitaw, cuman kota nyang paling gedénya – Yangoon, nyang dulunya bekas sintrem itu negara punya.

Jenggar wilayahnya – 676.578 km², nyang ngerupain negara paling gedé nomer dua di Asia Kidul-wètan. Penjogrognya di taun 2010 jumblahnya 60.280.000 orang. Mugané, entu negara paling banyak penjogrognya ke-24 di dunia dengen kerangsekannya 73,9 orang/km².