Bruné Darusalam

Negara Bruné Darusalam نڬارا بروني دارالسلام (Jawi) Negara Brunei Darussalam (Melayu)
Ibu negeri	Bandar Seri Begawan
Nama pengendek	Bruné

Bruné Darusalam (hurup Arab Gundul: برونى دار السلام; Melayu: Brunei Darussalam) atawa nama resminya Negara Brunei Darusalam (hurup Arab Gundul: نݢارا برونى دار السلام; Melayu: Brunei Darussalam) atawa singketnya Bruné (hurup Arab Gundul: برونى) entu atu negara kerajaan mutlak-wèt dasar (monarki absolut konstitusional) nyang pernahnya di Asia Kidul-Wètan. Ni negara pernahnya di Pulo Kelimantan atawa Bornéo. Ni negara dikulilingin ama Serawak, Malésia di blètannya, bekidulnya, ama bekulonnya, èn Laut Cina Kidul di blèlornya. Ini negara kepasi jadi 4 daèrah, nya'entu Tutong, Temburong, Belait, ama Bruné-Muara. Dia punya ibu negeri èn kota paling gedénya entuh Bandar Seri Begawan.

Jenggar wilayahnya cuman 5,765 km² doangan. Bahnanya, ni negara ngerupain negara ke-2 paling kecit di Asia Tenggara. Penjogrognya selamanya tahon 2011 jumblahnya 408.786 orang dengen kerangsekannya segedé 67,3 orang/km². Ini negara ièlah negara dengen pendapetan per kepala ke-2 paling tinggi di Asia Kidul-wètan abisnya Singapur, hasil bumi utamanya punya lantaran, ya'entu minyak bumi èn gas alam, nyang ngebadeg.