Cinta damé

Cinta damé (hurup Arab Gundul: چنتا دامي‎; Inggris: pacifism) atawa cinta anteng (hurup Arab Gundul: چنتا انتڠ‎) entu petunjang ama perang, kepasukanan (militarism), masup juga' wajib dènes soldadu (wajib militer), atawa petunjang ama kèwat (kekerasan). Kata pacifism, sanonya, dibikin ama tukang wara-wara damé deri Prasman nama Émile Arnaud nyang entakanuh dipungut ama tukang getol damé laènnya di Mu'tamar Damé Dunia di Glasgo tahon 1901.^[1] Ada juga' dah setilah nyang rada juntrungan nama ahimsa (kaga' nyakitin), nyang jadi pikiran utama di agama-agama Hindi kaya' Indu, Buda, ama Jain. Nah kalu diserambahin tu setilah dua pada, setilah nyang wayah gini mah tètèk bengèknya udah dibèbèr-bèbèrin sedanta-dantanya, kalu tu setilah kolot èmang rada jideg ma'nanya.

Ruju'an

↑ The Abolition of War: the Peace Movement in Britain, 1914–1919 by Keith Robbins. University of Wales Press, 1976. (ISBN 978-0708306222) (h. 10).

[1] The Abolition of War: the Peace Movement in Britain, 1914–1919 by Keith Robbins. University of Wales Press, 1976. (ISBN 978-0708306222) (h. 10).

[1]