Comot moster (statistik)

Comot moster (hurup Arab Gundul: چومت موستر; Inggris: sampling) ièlah bagèan deri manhad statistik nyang ada ubungannya ama tata cara nyang telepek rapih dalem penyomotan sebagèan anggota deri kabèhan bakal hajat ancer-anceran.

Kalu itu nyomot moster joto dilakoninnya, mutelaah statistik deri atu moster kena dipaké bakal nyabet rata antéro kabèhan. Manhad comot moster banyak maké téori kementakan èn téori statistik.

Cara-cara nyomot moster nglingkup ni trap-trap rèntètan sebagé berikut.

• Ngasi watesan kabèhan nyang mao dipantengin;
• Mastiin ram moster, nya'entu omplokan semua butir atawa peristiwa nyang barangkali;
• Nyabitin manhad comot moster nyang pas;
• Nglakonin penyomotan moster (pengumpulan data);
• Nglakonin perèksa ulang prosès comot moster.