Désa di Indonésia

Di Indonésia, désa atawa kerurahan entu pembelèkan trap keempat èn pembelèkan bestir paling kecil di bawahnya kecamatan, kabupatèn/kota, èn propinsi. Ini pembelèkan ada dua macem; ada nyang digero désa (kampungan), ada nyang digero kerurahan (kota-kota). Berales Kementrian Dalem Negeri punya laporan tahon 2019, ada 8.488 kerurahan èn 74,953 désa di Indonésia. Kabupatèn Acéh Lor gableg jumblah désa paling ngebadeg (852 désa) di antéro mana-mana kabupatèn di Indonésia, diintilin ama Kabupatèn Pidi (730 désa) èn Kabupatèn Bireuen (609 désa). Adapun nyang paling seemprit entu Kabupatèn Prabumulih nyang cuman 12 désa. Kalo dirèken kabèhannya mah, ada 16 kabupatèn nyang paling ngebadeg désanya, nya'entu: Acéh Lor (852), Pidi (730), Bireuen (609), Acéh Gedé (604), Tolikara (541), Acéh Wètan (513), Yahukimo (510), Purwareja (469), Lamongan (462), Nias Kidul (459), Kebumèn (449), Garut (421), Bojanegara (419), Bogor (416), Cerbon (412), ama Pati (401)—nyang sembabad ama 1/3 deri Indonésia punya désa. Ni lima di antaranya ada di Acéh, dua di Tana Tinggi Papua, tiga di Jawa Tenga, dua di Jawa Wètan, èn atu di Sumatra Lor. Palsabet jumblah désa di kabupatèn di Indonésia entu 234 désa.