Dagang

Dagang atawa jual-beli entu ada gawé nukerin atu pihak punya barang ama jasa ke laèn pihak nyang bukan lantaran kepaksa. Awal mulanya, sebelon wasilah ngebayar ada dikeja, orang pada tuker-nuker barang ama barang juga' (barter). Wayah jaman modèren gini, dagangan galibnya kudu ditukerin duit. Apa-apa barang ditaksir harganya berapa duit, terus si nyang beli bakal nukerin tu barang atawa jasa maké duit, setrap nyang dipèngènin si tukang jaja. Bakal dagang bisa kelakon, ada pihak pengeja (produsèn) nyang ngejain entu dagangan. Terusnya, tu dagangan bakal diiderin ke pihak nyang maké (konsumèn).