Gèrensi

Kebéliuan Gèrensi
Bailiwick of Guernsey (Inggris)
Bailliage de Guernesey (Prasman)
Bailliage dé Guernési (Gèrensi)

Ibu negeri

Bandar Sint-Piter

Nama pengendek

Gèrensi

Gèrensi (hurup Arab Gundul: ݢرنسى; Inggris: Guernsey; Prasman: Guernesey; Gèrensi: Guernési) entu atu negara di Selat Inggris, di lepas panténya Normandi. Ni negara bagèan deri Kepuloan Kanal. Sepegimana Jèrsi, ni negara juga' atu kebéliuan (bailiwick) nyang dipimpin ama atu béliu^[1] (bailiff), mangkanya digero'nya Kebéliuan Gèrensi (hurup Arab Gundul: کبليوان ݢرنسى; Inggris: Bailiwick of Guernsey; Prasman: Bailliage de Guernesey; Gèrensi: Bailliage dé Guernési). Sebab lantaran ni negara – Britani Gedé punya tanggungan, hop negaranya entu Charles III, cuman èmang ada dia punya guwernemènnya sendèwèk ama dia punya wèt^[2] èn status istimèwa dalem pasal belasting^[3]. Sengga'nya, ada 65.573 orang nyang tinggal di mari.

Bestir

Gèrensi juga' kebelèk-belèk jadi 10 indèling^[4] (ditamba 2 indèling bukanbestir). Adapun Bandar Sint-Piter entu indèling nyang paling gedé èn ada 18.958 orangan (tahon 2019).

Basa

Gèrensi ada punya dia punya logat sendèwèk, nyang ngrupaken logat deri basa Normandi, nama basa Gèrensi. Ni basa cuman dipaké ama 2% deri jumblah semua penduduknya, cuman ada 14% deri seruruh penduduknya nyang ngarti ama ni basa. Artinya, kurang lebi sekitaran 1.000–1.500-an orang doang nyang bisa ni basa, èn kebanyakannya udah pada bangkot. Cuman 1 deri 1.000 orang muda doang nyang bisa ngomong ni basa.

Ruju'an

↑ "Ms. or. fol. 547b". (1696). Di dalem ni naskah beslit Kumpeni Welanda di Betawi per tanggal 24 Juli 1696, nyang kesimpen di Staatsbibliotheek zu Berlin (Bibliotik Negara Berlèn), kesebut kata béliu (بيليو) – bailiff (Ing.); baljuw (Wld.).
↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Wèt (hurup Arab Gundul: ويت) – undang-undang (Indo.); rights (Ing.); wet (Wld.).
↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Belasting (hurup Arab Gundul: بلستيڠ) – pajak (Indo.); tax (Ing.); belasting (Wld.).
↑ Indèling (hurup Arab Gundul: انديليڠ) – parish (Ing.); indeling (Wld.).

[1] "Ms. or. fol. 547b". (1696). Di dalem ni naskah beslit Kumpeni Welanda di Betawi per tanggal 24 Juli 1696, nyang kesimpen di Staatsbibliotheek zu Berlin (Bibliotik Negara Berlèn), kesebut kata béliu (بيليو) – bailiff (Ing.); baljuw (Wld.).

[2] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Wèt (hurup Arab Gundul: ويت) – undang-undang (Indo.); rights (Ing.); wet (Wld.).

[3] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Belasting (hurup Arab Gundul: بلستيڠ) – pajak (Indo.); tax (Ing.); belasting (Wld.).

[4] Indèling (hurup Arab Gundul: انديليڠ) – parish (Ing.); indeling (Wld.).

[1]

[2]

[3]

[4]