Gedong Bicara (Musium Palétéhan)

Gedong Bicara^[1] (hurup Arab Gundul: ݢدوڠ بچارا) atawa resminya Musium Sejarah Jakarta (hurup Arab Gundul: موسيوم سجارة جاكرتا) atawa seringannya sekarang digero' Musium Patahilah (hurup Arab Gundul: موسيوم فتح الله) atawa Musium Palétéhan (hurup Arab Gundul: موسيوم فضيلة خان) ièlah musium nyang adanya di Jalan Taman Patahilah, No. 1, Jakarta Kulon nyang jenggarnya ada 1.300 m² lebi.

Ni gedong dulunya jadi Gedong Bicara Betawi (Welanda: Stadhuis van Batavia) nyang dibikin tahon 1707–1710 atas Gubernur Jèndral Joan pan Horen punya perènta. Ni gedong mèmper ama Istana Dam di Amsteredam nyang kebikin deri gedong utama ama empyaknya dua biji di belètan ama bekulon, serènta gedong nyang dipaké bakal jadi kantor, ruang pengadilan, ama ruang-ruang bawah tana kanggo bui. Ari bulan 30 Maret tahon 1974, ni gedong entakonoh diresmiin ama Ali Sadikin jadi Musium Sejarah Jakarta.

Ruju'an

↑ Saidi, Ridwan. (2003). Romansa Batavia: Puisi Tanah Betawi. Lembaga Kebudayaan Betawi. h. 109. Bakal ngebèdain ama 'gedong bicara' (Indonésia: balai kota) nyang umum, ni gedong ditulisnya paké G gedé ama B gedé jadi Gedong Bicara.

[1] Saidi, Ridwan. (2003). Romansa Batavia: Puisi Tanah Betawi. Lembaga Kebudayaan Betawi. h. 109. Bakal ngebèdain ama 'gedong bicara' (Indonésia: balai kota) nyang umum, ni gedong ditulisnya paké G gedé ama B gedé jadi Gedong Bicara.

[1]