Geréja Yesus Bener

Geréja Yesus Bener entu geréja independen nyang didiriin di Beijing, Tiongkok taun 1917. Sekarang, ade kire-kire 2,5 juta anggotanye di lapan pulu negare èn enem benue. Geréja ini anggota kelompok Kristen Pentakosta nyang muncul pade awal abad kedua pulu. Taun 1939, geréja ini udah didiriin juge di Indonesia. Tujuan mereka mau ngabarin injil ke semue bangse. Sepulu kepercayaan uteme ini geréja, adalah:

1. Roh Kudus
2. Pembaptisan
3. Pencucian Kaki
4. Komuni Suci: "Perjamuan kudus entu sakramen buat peringatin kematian Tuhan Yesus Kristus. Hal ni mungkin kite ngambil bagian dalem daging ame darah Tuhan kite ame bersekutu ame Die supaye kite bise dapetin keidupan nyang kekel dan dibangkitin pas akir jaman. Sakramen ni diadein sesering mungkin. Cuman atu roti nyang kagak beragi ame jus anggur nyang dipake."
5. Hari Sabbath: "Hari Sabat entu hari nyang ketujuh (Sabtu), entu juge hari nyang kudus, nyang diberkatin ame disuciin Allah. Hari Sabat diperingatin di baweh anugrah Tuhan buat memperingatin penciptaan ame keselametan dari Allah, dan same pengarepan akan ngaso nyang kekel di dalem keidupan seabis kematian."
6. Yesus Kristus
7. Injil
8. Penyelamatan: "Keselametan dikasih oleh anugrah Allah liwat iman. Orang percaye kudu ngandelin Roh Kudus Suci buat idup di dalem kesucian, buat ngemuliain Allah, ame buat mengasihi sesame manusie."
9. Geréja
10. Pengadilan Akhir: "Kedatengan Tuhan nyang kedue kalinye bakal kejadian pas akir jaman, pas Die turun dari surge buat ngehakimin dunie: orang-orang bener ntar dapetin keidupan kekel, sedangkan nyang jail ntar dihukum selame-lamenye."