Horgol
Horgol[1] (hurup Arab Gundul: هرݢل) entu atu alat gending nyang maèninnya ditiup pat-pèt ke bolongan di sampingnya. Horgol mah harganya murah, lagi gampil dimaèninnya. Horgol ngasilin dia punya suara gending deri geteran rit[2] di horgol punya cangkrang logemnya. Horgol dipaké di gending-gending blues, tanji-tanji ra'yat, rock and roll (jingkrak-jingkrak), ama pop. Atu jenis horgol husus, nama horgol kromatik, dipaké di gending-gending jazz ama klasik. Horgol punya konci entu antara laèn: G, A♭, A, B♭, B, C, D♭, D, E♭, E, F, èn F♯. Saban konci kena maènin laèn bentangan not.
