Iskandar Agung
Iskandar Agung (hurup Arab Gundul: اسکندر اݢوڠ; Yunani: Αλέξανδρος Aléxandros; 20/21 Juli 356 SM – 10/11 Juni 323 SM) atawa Iskandar Makèdoni (hurup Arap gundul: اسکندر مقدونى) atawa Iskandar Dulkarnaèn (hurup Arab Gundul: اسکندر ذو القرنين)[1] ada satu raja di Yunani Kuna di kerajaan Makèdoni sedari 336 SM ampé dia mati di 323 SM. Di umur 30 tahon, dia bikin salah atu kekaèsaran nyang paling gedé dalem sejarah, ngebèntang deri Yunani ampé tana Hindi kulon-lor. Dia ada satu pemimpin militèr nyang paling hèbring sepanjang jaman. Dia lahir di Pèla tahon 356 SM, sintrem kuna deri Kerajaan Makèdoni.
.jpg&action=edit&redlink=1){kind=link}
Iskandar entu anaknya Pilipus II, Raja Makèdoni, ama Olimpias, surang putri deri Èpires, wilayah tetangganya. Iskandar ngabisin masa kecilnya ngiatin babanya ngeja Makèdoni jadi atu kekuatan militèr nyang hèbring, èn ngiat babanya menang di peperangan di Balkan.
Iskandar Agung basanya – basa Yunani. Dia nyebarin kebudayaan Yunani ampé ke Asia.[2]
Pas umur 13 tahon, Pilipus ngangkat pilsup Yunani Aristo bakal jadi Iskandar punya mursid[3] pribadi.[4] Selamanya tiga taon abisnya, Aristo ngasi pengajaran ke Iskandar dalem èlmu balagah[5] èn sastra, èn mantèk dia punya kesemenggahan di bidang èlmu alam, kedoktoran, èn pilsapat. Ni èlmu pada penting bakal Iskandar entarnya jadi pemimpin.
Ruju'an
permak- ↑ Gelar "Dulkarnaèn" (basa Arap: ذو القرنين, Żu-'l-qarnain 'Sang Tanduk Dua') sebenernya ada di dalem Kur'an, 18:83–98. Cuman, penyematan ni gelar ke Iskandar Agung entu cuman terdisi nyang ada di banyak masarakat Islam seantèro dunia èn masing ada perdebatan pasal ni hal.
- ↑ "Alexander the Great and the Spread of Greek Culture"
- ↑ Mursid (hurup Arap gundul: مرشد) – tutor (Indo., Ing.)
- ↑ "Portraits from the Past: Aristotle". Awake!. Vol. 97, no. 5. 2016. p. 14. ISSN 0005-237X.
- ↑ Balagah (hurup Arap gundul: بلاغة) – retorika (Indo.), rhetorics (Ing.)