Iskandar Puskin
Iskandar Puskin (hurup Arab Gundul: اسكندر فوشكين) atawa lengkepnya Iskandar bin Sarkis Puskin (hurup Arab Gundul: اسكندر بن سركس فوشكين; Rus: Александр Сергеевич Пушкин Aleksandr Sergeevich Pushkin; HPA: [ɐlʲɪkˈsandr sʲɪrˈɡʲe(j)ɪvʲɪtɕ ˈpuʂkʲɪn]) lahir ari bulan 6 Juni (atawa cara lamanya 26 Méi) 1799 di Mosko èn wapat ari bulan 10 Pèbruari (atawa cara barunya 29 Januari) 1837 di Sint-Pitersbereh. Dia – sorang penyair, tukang bikin roman, tukang bikin drama, ama penulis ceritra pèndèk Rus.
Banyak nyang kata kalu dia ada atu penyair Rus. Dia ngeharkat terdisi gedé di sastra Rus. Puskin nyang pertama maké basa saban sarian, nyang itu jaman belon ada sapa-sapa nyang nulis paké basa ra'yat, sebab penulis pada nulisnya paké basa gerèja. Dia punya sawaban ama laèn-laèn penulis Rus ngebadeg pisan èn berapa tukang ngeja gending Rus juga' ngeja dia punya ceritra ama sair jadi gending. Dia punya sair susah emen bakal diterjemahin ke laèn-laèn basa sebab ada punya kata-kata nyang ma'nanya husus di budaya Rus. Dia punya roman, wabilhusus Èuhèn Onègin, pada ngejeprah pating dibaca di mana-mana.
Puskin punya kumpi dulunya atu budak Aprika nyang dimerdèkain ama Kaèsar Pètrus Agung. Puskin kebunu pas lagi jabanan di tahon 1837 pas dia punya umur 37.