<span style="float: left; margin: 6px 12px 12px 0px; display: inline-block;">[[Gepokan:IcedBir birPletok pletok(closeup, 20240622bg 112754removed).jpgpng|144px]]</span> '''[[Bir pletok]]''' entu ada [[orang Betawi]] punya atu minuman nyegerin awak nyang kebikin deri [[jahé]], [[secang]], ama laèn-laèn ragem [[rempah]]. Bir pletok punya cara bikin entu bahannya pada disiapin, di[[godog]] ampé mantep, terus ditapis. Sebelonnya ditanjain anget atawa dingin, bir pletok juga bolé dikocok-kocok biar nguarin busa. Awal mulanya ni minuman entu mentak udah deri jaman kumpeni, wayah orang Betawi gedongan mantengin [[orang Welanda]] punya kedemenan nenggak [[bir]]. Cuman lantaran orang Betawi punya igama [[Selam]] entu [[Minum tèlèr dalem Selam|kaga' boléin minum tèlèr]], dikejalah entu bir pletok, nyang dia punya tampang kaya' bir, tapi kaga' ada [[alkohol]]nya acan. Kapan orang Betawi punya hajatan bakal pengantèn [[sunat]], [[kawinan]], atawa laèn-laèn keriaan, ni minuman kudu ada, mingkinan mbelèbèr mingkin mantep dah. Wayah gini, ni minuman udah aci jadi Indonésia punya [[pusaka budaya traujud]], juga' jadi atu deri lambang budaya orang Betawi punya. '''([[Bir pletok|Lengkepnya...]])'''
