Itali
| Kiblik Itali Repubblica Italiana (Itali) | |||
| |||
.svg)
| |||
| Ibu negeri | Roma | ||
| Nama pengendek | Itali | ||
Itali (hurup Arab Gundul: ايطالى atawa ايتالى; basa Itali: Italia) entu atu negara di Èropa Kidul. Ni negara – atu anggota Uni Èropa. Dia punya nama resmi – Kiblik[1] Itali (hurup Arab Gundul: کبليک ايطالى; basa Itali: Repubblica Italiana). Dia punya bendèra kelirnya ijo, puti, ama mèra. Itali entu kiblik kera'yatan[2].
Itali entu atu negara anggota pengrintis Uni Èropa. Ni negara – juga' anggota G7, bahna dia ada negara kedelapan paling gedé produk domèstik brutonya seantéro dunia.
Itali bekèn ama dia punya anggur ama makanannya. Masing-masing bilangan ada punya has makanannya sendèwèk-sendèwèk. Adapun makanan nyang paling kesohornya antara laèn pasta, pitsa, ama anggur. Jaètun juga' sering dipaké.
Sebelonnya tahon 1861, Itali entu dikeja deri kerajaan-kerajaan kecilan èn negeri-negeri kota.
Dia punya hopstat[3] nama Roma, atu kota nyang paling mashur di antéro dunia. Ni kota udah jadi hopstat sedari jaman Kekaèsaran Romèn[4] nyang jebot. Adapun kota-kota mashur laènnya di Itali antara laèn Wènèsi, Napèl, Turèn, Génua, Plorèn, Palèrmo, ama Milan.
Ruju'an
permak- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
- ↑ Kera'yatan (hurup Arab Gundul: كرعيتن) – demokrasi (Ind.); democracy (Ing.).
- ↑ Hopstat (hurup Arab Gundul: هوفستت) – ibukota (Indo.); capital (Ing.); hoofdstad (Wld.).
- ↑ Hoetink, B. (2007). Ni Hoe Kong: Kapitein TIONG HOA di Betawie dalem tahon 1740. Cit. ke-2. Penerbit Masup Jakarta. Romèn (hurup Arab Gundul: رومين) – Romawi (Indo.); Roman (Ing.); Romein (Wld.).