Juli

Juli (hurup Arab Gundul: جولى) atawa Citgwé (hurup Arab Gundul: چتݢوى) entu bulan ketuju di almenak Masèhi-Julian èn Grégorian. Ni bulan ada punya ari 31. Adapun dia punya nama, Iūlius (basa Latèn), ada dicomot deri atu kaèsar Romèn^[1] nyang mashur, nama Julius Kaèsar. Jaman baholanya mah, ni bulan digeronya Quīntīlis 'bulan kelima', nyang diambil deri kata basa Latèn quīntus 'kelima', sebab dulunya mah èmang dirèken deri bulan Maret bulan pertamanya.

Ruju'an

↑ Hoetink, B. (2007). Ni Hoe Kong: Kapitein TIONG HOA di Betawie dalem tahon 1740. Cit. ke-2. Penerbit Masup Jakarta. Romèn (hurup Arab Gundul: رومين) – Romawi (Indo.); Roman (Ing.); Romein (Wld.).

[1] Hoetink, B. (2007). Ni Hoe Kong: Kapitein TIONG HOA di Betawie dalem tahon 1740. Cit. ke-2. Penerbit Masup Jakarta. Romèn (hurup Arab Gundul: رومين) – Romawi (Indo.); Roman (Ing.); Romein (Wld.).

[1]