Kaca jontrot
Kaca jontrot (hurup Arab Gundul: کاچ جونتروت) atawa (lemari) kaca pèjèng/pajang[1] (hurup Arab Gundul: لمارى کاچ فجڠ) atawa étalase (hurup Arab Gundul: ايتالاسه; Prasman: étalage 'omprokan, susunan, pamèran, pèjèngan, jontrotan') entu lemari, kotak, atawa bipèt nyang ada kacanya nyang kanggo bakal tempat mèjèngin barang seni kaya' di galeré, benda kolot di musium, atawa jontrot di toko.
Barang nyang ditaroh di dalem kaca jontrot biasanya barang nyang kudu dijaga' biar kaga' rusak lantaran cuaca, kaya': lembap, debu, ama parak mataari. Sebagé lagi, barang beduit nyang ditaroh di kaca jontrot sering bakal jadi maling punya jujuan, mangkanya itu kaca jontrot kudu dikasi tambahan konci atawa alarem.
Ruju'an
permak- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.