Kapangan
Kapangan (hurup Arab Gundul: کافڠن) atawa geraha (hurup Arab Gundul: ݢراها) ièlah lamatan palak nyang kejadian kalu ada benda ruang angkasa nyang gerak ke dalem bayangan atu benda ruang angkasa laènnya. Ni istilah galibnya dipaké bakal kapangan mataari kapan Bulan punya jogrogan adanya di antara Bumi ama mataari, atawa kapangan bulan pas sebagèan atawa kabèhan Bulan punya kenampakan kealingan ama bayang Bumi. Walakin, kapangan juga' kejadian di laèn lamatan nyang kaga' ada kaètannya ama Bumi atawa Bulan, tuladnya di laèn bintang ider èn dia punya pengarak (satelit).
Di agama Selam, orang Selam nyang nyaho atawa ngiat kejadian kapangan bulan atawa mataari, mangka sunahnya sigera nglakonin sembahyang kapangan, nama sembahyang husup (kapangan bulan) atawa sembahyang kusup (mataari).