Katar

Daulat Katar دولة قطر (Arab) Daulat Qaṭar
Ibu negeri	Dohah
Nama pengendek	Katar

Katar atawa Gatar (hurup Arab Gundul: قطر; basa Arab: قطر Qaṭar) atawa resminya Daulat Katar (hurup Arab Gundul: دولة قطر; basa Arab: دولة قطر Dawlat Qaṭar) entu atu negara daulat di Asia Kulon. Ni negara letaknya di Semenanjung Katar di lingir panté belah lor-wètan Semenanjung Arab. Wates daratnya mah cuman ama Arab Saudi di bekidul, èn rèstannya dikulilingin ama Telok Parsi. Ada selat di Telok Parsi nyang ngebelèk Katar deri dia punya negara nyang paling deketnya, Bahrén. Sebagé lagi, ni negara juga' watesan laot ama Imarat Arab Rempug ama Iran juga'. Adapun ni negara punya hopstad – Dohah.

Katar – negara kerajaan konstitusionil juga', mutlak juga', nyang diperènta ama kuarga Āl Ṡānī. Ni wangsa udah merènta Katar semprakan ni ahlulbét didiriin di tahon 1825. Di tahon 2003, Katar ngadopsi wèt dasar bakal pemilian umum langsung bakal 30 deri 45 anggota Rad Pengeja Hukum (Legislative Council). Itu wèt dasar bener-bener disambut baè' di dalem réperèndum, dengen suara 98% akur.

Katar kaga' ngeboléin pembikinan badan pulitik atawa serèkat dagang.