Ketumbènan

Ketumbènan (hurup Arab Gundul: كتومبينن‎; Indonésia: anomali) entu setilah umum nyang maran ama kewontenan kenyelenéhan atawa keanèhan nyang kejadian atawa dengen kata laèn kaga' sari-sarinya begitu. Ketumbènan juga' sokanan digero' jadi atu kejadian nyang kaga' kena diancer-ancer jadinya atu kejadian bakal gocan berobah-robah deri kejadian nyang sari-sarinya. Secara umum, ketumbènan ada dua delokan, nya'entu delokan roman (fisik) ama delokan abet (perilaku). Kalu deri delokan roman, ketumbènan digambarin jadi atu kenyelenéhan atu bagèan atawa hata seugeran manusia punya awak. Kalu dideleng deri delokan abet, ketumbènan pating dicedèk deri èlmu kemasarakatan, èlmu kejiwaan, ama atur banda.