Keurakanan
Keurakanan (hurup Arab Gundul: كأورقنن; Inggris: anarchism) ièlah atu pikiran perobahan nyang ngakar nyang bilang kalu orang kaga' bolé direjeng-rejeng ngikut undak-undak apa baé. Misalnya, keurakanan bilang kalu guwernemèn entu bikin susah doang ama kaga' perlu. Artinya, dia pada kaga' mau diatur-atur atawa 'urakan'. Cuman, bukan artinya dia pada kaga' mau ada keaturan nyang rapi ama tentrem. Kalu kata umumnya anarki entu dasarannya deri basa Yunani ἀναρχία anarchiā nyang artinya "sonder pengatur" atawa "sonder pemerènta". Mar, bukannya dia pada ogah ama adanya aturan acan. Cuman, dia kata mah bagènin aja tu aturan sendèwèknya jalan di masarakat, sonder paké direjeng-rejeng.
