Kewadonan

Kewadonan atawa (hurup Arab Gundul: کوادونن; Inggris: feminism) atawa kecèwè'an (hurup Arab Gundul: کچيوئن;) entu atu harkat kemasarakatan, pulitik, èn atur banda. Kewadonan entu atu paham nyang pèngèn ngrobah orang punya cara ngiat hak lanang-wadon (wabilkusus wadon) èn ngaru-aruin aken kesembabadan. Orang nyang ngikut ni paham digero' kaum kewadonan.

Kewadonan mulain semprakan abad ke-18 dengen adanya Penerangan. Bahnanya adanya cèkcok pasal perbèdaan antara jenis, jadi nongol dah tu adanya omong-omong bakal kesembabadan.