Lebaran Betawi

Lebaran Betawi (hurup Arab Gundul: لبارن بتاوى) entu atu keriaan kebudayaan saban tahonannya masarakat ètnis Betawi nyang digelar seantéro wilayah Jakarta Raya (biasanya dikutetin di Monumèn Nasional atawa Monas). Penyelenggaraan ni keriaan kebudayaan punya tujuan entu bakal ngeja kuat tali silaturahim antermasarakat Betawi serènta orang-orang Jakarta Raya umumnya. Ni perayaan biasanya digelar kira-kira sebulan abisnya Lebaran (Idulpitri), atu lebaran orang Selam punya lebaran. Di ni keriaan nyang digelar berapa ari (biasanya sih tiga ampé lima ari), kabèhan kota di bilangan Propinsi Jakarta (masup Jakarta Sintrem, Jakarta Lor, Jakarta Kidul, Jakarta Wètan, Jakarta Kulon) serènta Bogor, Dèpok, Tanggerang, èn Bekasi (nyang kabèhannya digero' Jakarta Raya) biasanya nampilin macem-macem seni èn kebudayaan has deri dia punya daèrah masing-masing, mao tetandakan kè', masakan kè', èn laèn sebagénya.