Leonardo da Vinci
Leonardo di ser Piero da Vinci (15 April 1452 – 2 Méi1519) entu orang serbagapa (polymath) Jaman Renésan Tinggi nyang getap jadi tukang lukis, tukang gambar rancang, tukang insinyur, ahli èlmu, ahli téori, tukang pahat, èn tukang rancang gedong. Sembèn dia punya pamor bekènnya jadi tukang lukis, dia bekèn lantaran dia punya notes, nyang di dalemnya dia bikin gambar èn catetan pasal sisik-melik perihal, masup perawakan, èlmu palak, èlmu kebon, èlmu peta, lukisan, èn èlmu hayat bahola. Leonardo secara luas dianggep sebagé atu orang nyang otaknya èncèr pisan nyang jadi panutan aken hal pikiran kemanusiaan Jaman Renésan, èn dia punya omplokan gawéan nglingkup sumbangsih bakal kurun-kurun abisnya, nyang cuman Michelangelo nyang jadi penerus sekupu'nya.
