Lindu
Lindu (hurup Arab Gundul: لندو) atawa lini (hurup Arab Gundul: لينى) atawa tana getèr (hurup Arab Gundul: تانه ݢتير) ièlah lamatan goyang-goyang nyang kejadian di muka bumi. Ada berapa macem lindu berales lantarannya, lindu lèmpèng (gempa bumi tektonik) nyang dilantaranin ama pengelosan tenaga nyang kegomplok di antara dua atawa lebi lèmpèng bumi nyang dedèmpètan (nyang masing-masing terus mingsèr saban tahon 10 cm), lindu gunung meledug (gempa bumi vulkanik) nyang dilantaranin ama nyalanya gunung meledug, lindu ambrukan nyang dilantaranin ama ambrukan goa atawa tambang bawa tana, èn lindu ledugan nyang dilantaranin ama ledugan gedé kaya' deri bom nuklir.
