Magasèn

Magasèn (hurup Arab Gundul: مݢاسن atawa مخازن) entu tempat bakal nampung pèlor. Bakal altirèri, magasènnya kudu ada di atu gudang atawa pangkèng husus peperangan.

Magasèn F ass 90

Kalo bakal senjata, magasèn (orang sering lumpar ama 'klip') entu tempat bakal nampung pèlor bakal senjatanya. Magasèn luaran didorong masup ke senjatanya, nyang kita sebut ngisi pèlor. Adapun magasèn dalem (biasanya di bedil kokang) èmang ditanclep di dalem bedilnya èn kaga' gampang dikuarinnya, biasanya diisi atu-atu atawa paké klip pèlor.

Jenis magasèn nyang paling umum entu magasèn kotak, nyang ada pèlor di kolomnya. Ada juga' laèn-laèn jenis magasèn kaya' drem, panci, èn magasèn melintir nyang bisa muat lebi banyak pèlor deri magasèn kotak biasa.

Kebanyakan amunisi nyang paling umum dipaké ama magasèn entu pèlor. Kebanyakan senjata modèren nyang nglontarin pèlor maké magasèn bakal ngisi amunisi (kecuali revolver atawa bècèng muter). Beberapa macem senjata gèntel maké magasèn pengisi pèlor lekas biar cepet ngisinya.

Kebanyakan magasèn maké pèr èn pendorong pèlor (follower) bakal ngedorong amunisinya ke senjata. Magasèn bisa' dibuat deri logem atawa plastik. Magasin logem èmang nyang lebi umum, cuman ada magasèn plastik nyang bening keliatan ke dalem, jadi kiatan dah tu pèlornya rèstan berapa.

Asal-muasal kata

Kata magasèn di basa Betawi diambil deri basa Welanda magazijn, deri basa Prasman Tenga magasin, deri basa Itali magazzino, nyang juga' ujung-ujungnya deri basa Arab مخازن makhāzin 'tempat nyimpen, tempat nampung'.