Mesin tangkep berekas
Mesin tangkep berekas (hurup Arab Gundul: مسين تڠکف برکس) atawa mesin pengrépé (hurup Arab Gundul: مسين فڠريفى) atawa mesin penyekèn (hurup Arap gundul: مسين فڽکين; basa Inggris: scanner) ya'entu mesin nyang dipaké bakal nangkep tulisan atawa gambar deri suatu kertas atawa berekas ke dalem kumputer. Entu berekas punya isi bakalan ditangkep ama mesin tangkep berekas bakal dijadiin kode nomor (dijital) èn dikeja lèstrik biar bisa ditampangin di layar kumputer. Ada berapa macem mesin tangkep berekas nyang begantung ama cara pakénya:
- mesin tangkep gambar
- mesin tangkep kode batang
- mesin tangkep cahaya X
- mesin pemerèksa
- mesin tangkep logam
- mesin tangkep Optical Mark Reader (OMR)
- mesin tangkep tiga matrah
Deri tujuh mesin tangkep berekas nyang udah disebut, mesin tangkep gambar entu nyang paling disebut-sebut sebagé mesin tangkep berekas.