Miguel de Cervantes Saavedra

Miguel de Cervantes Saavedra (Spanyol: [miˈɣel de θeɾˈβantes saaˈβeðɾa]; 29 Sèptèmber 1547 (kira-kira) – 22 April 1616) atawa dibetawiin jadi Sèrbantès (hurup Arab Gundul: ) entu atu mualip Spanyol awal-awal jaman modèren nyang lumbrah dianggep jadi mualip basa Spanyol paling mantep èn atu tukang tulis roman paling kebekènan di mana-mana di dunia. Atu deri dia punya gawéan nyang paling mashur entu dia punya roman, judul Don Kihot (Spanyol: Don Quijote), atu gawéan nyang sering ditukil sebagé roman modèren pertama èn "roman paling ajib di dunia sastra". Dalem pungut suara tahon 2002 dalem hal 100 mualip paling bekèn, deri itu pungutan suara didapetin kalo ini roman dianggep sebagé "buku paling bearti sepanjang jaman", deri antéro "gawéan paling ajib èn paling pancer di dunia sastra".