Gending Indonésia

Sebagé negara nyang gableg suku ama kaum nyang ngebadeg, gending Indonésia juga' roncèt bener, gableg cepé'an bentuk ama gaya. Saban daèrah gableg dia punya budaya ama seninya sendèwèk, mangkanya jadi laèn dah atu daèrah ama nyang laènnya. Misalnya, saban gending terdisionil sering diarakin ama ibingan atawa tonilnya sendiri. Adapun gending wayah gini bener-bener kesawaban ama sawaban asing, kaya' Amrik, Inggris, Jepang, Koréa, ama Hindi.

Macem-macem go'ong (gong ageng, gong suwukan, kempul) deri Gamelan di Indonésia.

Gending Jawa, Sumatra, Bali, Plorès (Nusa Tenggara) ama laèn-laèn pulo udah pada rapih ketelepek di catetannya ama kerekem, èn perdataan lebi lanjut ama sarjana Indonésia ama asing pepes masing tangi. Gending di Indonésia udah ada semprakan jaman sebelonnya ada rekeman sejarah, macem-macem suku pribumi Indonésia sering masupin rapalan ama tembang-tembang nyang ditimpalin ama alat gending di dia punya upacara. Gending wayah gini Indonésia juga' bekèn di negara-negara jirannya, kaya' Malésia, Singapur, ama Bruné. Umumnya, gending ama tembang terdisionil Indonésia nglingkup ketokan nyang kuat èn rageman ama sawaban kuat deri Hindi, Jawa, Arab, Tionghoa, ama Melayu punya gending klasik. Ni sawaban kentara pisan di jandrah gending terdisionil dangdut.