Nèptunus
Nèptunus (hurup Arap gundul: نفتونوس) atawa Hai'ongcèng (hurup Arap gundul: هيئوڠچڠ),[1] simbol .svg){kind=small}
, ya'entu planit nyang paling jauh deri Mataari. Enni planit punya nama diambil deri dèwa laotan Romawi punya nama, ya'entu Nèptunus (basa Latin: Neptūnus, basa Yunani: Ποσειδῶν Poseidōn). Nèptunus ya'entu planit paling goden nomor empat nyang panjang jari-jari deri ujung kulon ampé wètannya entu 49.530 km èn nomor tiga kalo ngikutin beratnya. Nèptunus punya berat entu 17 kalinya Bumi punya berat èn kecilian dikit dari Uranus. Nèptunus ngiderin Mataari jaraknya entu 30,1 SP (Satuan Palak)[2] atau kisaran 4 miliar 450 juta km. Lama Nèptunus punya putaran sumbu entu 16,1 jem, sedeng putaran keliling mataarinya entu 164,8 taon.
Nèptunus ketemu tanggal 23 September 1846. Planit ini ditemuin lantaran paké ramalan èlmu hitung. Perobahan kaga' kesangka di lintasan Uranus bikin Alexis Bouvard narik kesimpulan kalo ini kejadian gegara tarikan planit kaga' dikenal. Terusannya, Johann Galle nyang ngamatin Nèptunus. Bulan alamiahnya nyang paling goden entu Triton.
Nèptenus kekeja lantaran atmospèrnya penuh ama hidrojin, hélium, èn kaya'nya ada juga nitrojin. Terusannya, Nèptunus juga ada punya ès nyang gedé kaya' aér, amonia', èn metana'.
Nèptunus entu planit paling jauh deri Mataari. Enni ngeja Nèptunus punya atmospèr luar jadi tempat paling dingin di Tata Kemataarian[3]. Suhunya ampé 55°K (-218°C). Sama kaya' Johal, Nèptunus juga ada punya cincin, cuman Nèptunus punya rada tipisan.
Ruju'an
permak- ↑ Hai'ongcèng (hurup Arap gundul: هيئوڠچڠ) – ada satu kata rèkaan bakal 'Nèptunus' nyang diambil deri basa Hokkièn 海王星 Hái-ông-chheⁿ dengen kias banyaknya kosakata Betawi nyang deri basa Hokkièn.
- ↑ Satuan Palak - Satuan Astronomi (indo.); Astronomical Unit (ing.)
- ↑ Tata Kemataarian (hurup Arap gundul: تات کمتأرين) – tata surya (Indo); solar system (Ing.)