Nmixx

Nmixx (엔믹스 Énmikse, disetilin urup gedé semua) entu atu paguyuban gending wadon Koréa Kidul nyang dikeja ama SQU4D, anak pabrik rekeman deri JYP Entertainment. Enni paguyuban ada gableg anggota 6 biji: Lily, Haewon, Sullyoon, Bae, Jiwoo, ama Kyujin. Sanonya, ni paguyuban entu isinya orang 7, cuman semprakan 9 Désèmber 2022, atu anggota nama Jinni mèrad dah tuh lantaran dia punya alesan sendèwèk. Ni paguyuban mèncloknya 22 Pèbuari 2022, barengan ama nongtotnya dia pada punya album lagu kètèngan nama Ad Mare.

Nmixx punya nama entu dicomot deri 1) lèter "N" nyang bisa jadi ringkesan deri kata basa Inggris now 'wayah gini', new 'anyar', ama next 'seabisnya', atawa lambang "n" bakal pontèn nyang kaga' dinyahoin, serènta juga' 2) kata mix 'campuran' bakal ngunjukin penggabungan ama kerageman. Lengkepnya, ni nama punya ma'na entu "penyampuran paling mantep bakal atu jaman anyar".^[1]

Ruju'an

↑ Ji, Min-kyung (2022-01-26). "JYP, 新 걸그룹 이름 'NMIXX' 최초 공개..2월 핫 데뷔 [공식]" [JYP ngebèbèrin paguyuban wadon anyar nama 'NMIXX' bakal pertama kalinya... bulan 2 punya hot debut [resmi]] (dalem basa Koréa). Osen. Diarsipin deri nyang asli tanggal 2022-02-04. Dipungut 2022-02-02 – liwat Naver.

[1] Ji, Min-kyung (2022-01-26). "JYP, 新 걸그룹 이름 'NMIXX' 최초 공개..2월 핫 데뷔 [공식]" [JYP ngebèbèrin paguyuban wadon anyar nama 'NMIXX' bakal pertama kalinya... bulan 2 punya hot debut [resmi]] (dalem basa Koréa). Osen. Diarsipin deri nyang asli tanggal 2022-02-04. Dipungut 2022-02-02 – liwat Naver.

[1]