Nongtot bo'ol
Nongtot bo'ol (hurup Arab Gundul: نوڠتوت بؤول) atawa wasir (hurup Arab Gundul: واسير) entu telepekan pembulu darah (mèmper ama pembulu balik) di saruran bo'ol nyang ngebantu orang bèrak. Orang seringnya pada bilang nongtot bo'ol kalu itu nongtot bo'ol ngebengkak atawa ngradang. Cuman mah, sebenernya, nongtot bo'ol entu bagèan tasrih nyang normal di sapa aja ada. Gunanya tu nongtot bo'ol bakal jadi bantalan nyang kebentuk deri banyak jaringan nyang uplek lagi ribet bakal ngebantu jalannya tu bèrak.
