Nyi Rara Kidul
Nyi Rara Kidul (hurup Arab Gundul: ڽى رارا کيدول; hurup Sunda: ᮑᮤ ᮛᮛ ᮊᮤᮓᮥᮜ᮪; hurup Jawa: ꦚꦻꦫꦫꦏꦶꦢꦸꦭ꧀; hurup Bali: ᬜᬶᬭᭀᬭᭀᬓᬶᬤᬸᬮ᭄) atawa Nyai Rara Kidul nya'entu sosok pejajaran deri ceritera ra'yat Indonésia, nyeng dicayain bakal nguasain Laotan Hindi dalem tahayul Betawi, Jawa, èn Sunda. Kalo dikaètin ama tahayul Jawa, Kanjeng Ratu Kidul entu ciptaan deri Déwa Kaping Telu nyeng ngisi alam keidupan sebagé Déwi Padi èn déwi alam nyeng laèn. Sedeng Nyi Rara Kidul awal-awalnya tu putri kerajaan Sunda nyeng diusir lantaran kelakonan ma' kewalonnya.
Ngikutin penjenggarannya, masarakat lebi nyamain Nyi Rara Kidul ama Kanjeng Ratu Kidul, senajan dalem agama Kejawèn, Nyi Rara Kidul tu bawahan setianya Kanjeng Ratu Kidul. [1] Trap Nyi Rara Kidul sebagé Ratu-Lembu tana Jawa jadi alesan nyeng kesohor dalem ceritera ra'yat èn tahayul, selaèn dijuntrungin ama parasnya putri-putri Jawa.
Asal-muasal Kata
permakNyi Rara Kidul juga' dikenal bakal berapa nama nyeng nongtodin béda ceritera deri asal-muasalnya, lèhenda, tahayul, èn ceritera turun-temurun. Dia lumbrah digero Ratu Laot Kidul èn Gusti Kanjeng Ratu Kidul.[2] Ngikut adat-istiadat Jawa, pemakéan gelar kaya' "Nyai", "kanjeng", èn "Gusti" tu penting bakal nyebutnya, kesopanan punya lantaran soalnya.
Kot-kotan orang juga' nyebut namanya jadi Nyai Loro Kidul. Dalem basa Jawa, "loro" tu atu sama tulisan bakal "dua" èn "sakit", sedeng "rara" artinya "gadis". Hatu ortografer Olanda ngira-ngira kalo kejadian deri basa Jawa Kolot "roro" berobah jadi basa Jawa Anyar "loro", mangkanya jadi berobah artinya deri "gadis nyeng cakep" jadi "orang sakit".[3]
Asal-muasal
permakMasarakat Sunda ngenalin ceritera soal dedengkot èlmu item di kawasan laot Kidul nyeng bentukannya wadon geulis nyeng digero Nyi Rara Kidul. Ni ceritera asalnya deri kerajaan Sunda Pejajaran deri abad 15 nyeng umurnya kolodan deri ceritera kerajaan Mataram Selam deri abad ke-18. Omong begitu, pengajian èlmu manusia èn budaya masarakat Jawa èn Sunda ngarain kalo ceritera Ratu Laot Kidul Jawa meureunan asalnya deri agama tukang sembah roh nyeng lebi kuna lagi, déwi sebelon Hindu-Buda deri panté kidul Jawa. Ombak Laotan Hindi nyeng nyanter di panté kidul Jawa, badé serènta kot-kotan ombak gedé pinggir laot ("tsunami"), meureunan uda ngaclèngin rasa hormat serènta takut ama kuasa alam, nyeng keterusannya dianggep jadi èlmu alam deri para déwa serènta lembu nyeng nyedog di laot Kidul nyeng didedengkotin ama dia pada punya ratu, sosok déwi, nyeng terusannya dinyahoin jadi Ratu Laot Kidul.
Déwi Kadita
permakHatu ceritera ra'yat Sunda nyeng ngomongin soal Déwi Kadita, putri ayu deri kerajaan Sunda Pejajaran, nyeng mabur ke laot Kidul abis disantèt. Tu santèt dikuarin ama hatu dukun bakal diperèntah ama musuh di istana (nya' kewalon), èn ngeja tu putri nelangsa ketèpaan penyakit gudig. Dia boléin bisikan goib deri dia punya nya'nya bakal nibla' ke laot nyeng ombaknya nyanter èn terus dia bakal waras èn balik ayu lagi. Para pejajaran terusannya kasih sompo tu orang jadi Ratu lembu laot Kidul nyeng lèhendaris.[4]
Versi yang serupa adalah Kandita, putri tunggal Raja Munding Wangi dari Galuh Pakuan. Karena kecantikannya, ia dijuluki Dewi Srêngéngé ("Dewi Matahari"). Meskipun mempunyai seorang putri yang cantik, Raja Munding Wangi bersedih karena ia tak memiliki seorang putra yang dapat menggantikannya sebagai raja. Raja kemudian menikah dengan Dewi Mutiara dan mendapatkan putra dari pernikahan tersebut.
Déwi Mutiara pingin dia punya anak lanang bolé jadi raja sonder adanya tèdèng aling-aling di ari nerosannya, mangkanya dia ongkodan ngeja melingsur tu Kadita. Déwi Mutiara ngadep raja èn nyuhun bakal nyuruh Kadita mèrad deri istana. Raja ngomong kalo dia ogah bagènin sapa baé nyeng pèngèn ngasarin dia punya putri. Nengerin tu jawapan, Déwi Mutiara mèsem èn ngomong-ngomong ampé tu raja kepincut ora panting kesel lagi.
Bèsokannya, sebelon mataari nongtod, Déwi Mutiara ngirim dia punya pembantu bakal nggero hatu orang tukang tenun. Dia nyuruh si dukun bakal nyantèt Kadita. Malemnya, Kadita punya awak langsung pada gegudigan, baunya bukan bau lagi, èn bebèntol kaya' bisul. Dia mèwèk ora karuan teuing bisa ngapain gè'. Raja ndatengin banyak dukung bakal ngasih jampi Kadita lantaran uda sadar kalo Kadita punya penyakit tu ora danta, pastinya santèt punya lantaran. Déwi Mutiara ngerangsek si raja bakal ngusir dia punya putri lantaran dianggep bakal ndateingin sial bakal sekabèhan kerajaan. Bahnanya si raja embung putrinya jadi bahan kata-kataan di seantèro kerajaan, dia dengen ati nyeng nyes ngakurin Déwi Mutiara punya usul bakal nginternir dia punya putri deri kerajaan.
Kadita mèrad sendèwèkan sonder tujuan èn ampir kadanan bakal mèwèkan lagi. Dia ora kesel pisan ama dia punya nya' kewalon, melèngken nyuhun bakal Sang Hyang Kersa nemenin dia dalem nanggungin dia punya kenelangsaan. Ampir tuju ari tuju malem, buntutnya dia neba tuh di panté Kidul. Aèr laotnya bening, ora kaya' laèn laot nyeng warnanya belao atawa ijo. Ujug-ujug dia denger suara goib nyeng nyuru bakal nibla' ke dalem laot Kidul. Dia nibla' èn ngojay, aèr laot Kidul ngija longit tu bisul sonder bebekasan, malahan ngeja dia mingkinan ayu. Dia gableg kuasa bakal laot Kidul èn jadi hatu déwi nyeng digero Nyi Rara Kidul nyeng idup kekal. Kawasan panté Pelabuanratu husus dikaètin ama ni ceritera.
Putri Banyu Bening Gelang Kencana
permakDalem atu ceritera ra'yat Sunda, "Banyu Bening" (aèr bening) jadi ratu deri kerajaan Jaya Kulon. Dia ke gudig terus ngetug ampé kidul. Dia dimakan ombak gedé èn nelem ke dalem laotan.[5]
Budaya bekèn wayah gini
permak- Nyi Rara Kidul sokanan jadi tokoh dalem pèlem-pèlem Indonésia, kaya': Kutukan Nyai Roro Kidul, Bangunnya Nyi Roro Kidul, Dewi Angin-Angin, Susuk Nyi Roro Kidul, Kisah Cinta Ratu Pantai Selatan,[6] Nyi Roro Kidul, èn sebagénya.
- Kanjeng Ratu Rara Kidul jadi hatu tokoh dalem cerita cèmèn dalem jala (dala) Webtoon Indonésia nyeng judulnya 7 Wonders, nyeng entu tuh perobaan wujud bidadari Nawangwulan ceritera Jaka Tarub abis jatoh deri kayangan. Nyi Rara Kidul juga jadi tokoh di Nusantara Droid War.
- Nyi Rara Kidul ngilhamin hatu ancer-ancer tokoh pahlawan dalem gim dala Mobile Legends nyeng namanya Kadita.[7]
- Gim Heroes of God ada punya tokoh nyeng namanya Nyi Rara Kidul nyeng diilhamin deri ceritera Nyi Rara Kidul.[8]
- Gim Atlantica Online ada punya tokoh nyeng namanya Roro Kidul.[8]
- Line Let’s Get Rich ada punya tokoh namanya Roro nyeng diilhamin deri ceritera Nyi Rara Kidul.[8]
- Gim Seven Knights ada punya tokoh namanya Roro.[8]
Ruju'an
permak- ↑ Herman Utomo dan Silvie Utomo. 2008. Dialog dengan Alam Dewa. Jakarta: Kelompok Spiritual Universal.
- ↑ [Puisi Misteri Indonesia untuk menghormati Nyi Roro Kidul Kanjeng Ratu Kidul]
- ↑ Jordaan, Roy E. Tara and Nyai Lara Kidul - Asian Folklore Studies, Volume 56, 1997: pp 303
- ↑ Meijboom, Jos - Javaansche sagen mythen en legenden, Zutphen - W.J. Thieme & Cie, 1924 pp 204 - 243, ISBN 90-03-91270-X
- ↑ "Njai Loro Kidoel" oleh Inten Bayan aka Rene Adeboi, Moesson, The Hague 1967
- ↑ "Ratu Pantai Selatan: Seruni Tampil sebagai Dewa Penolong". Tabloid Bintang. 14 Januari 1998. Diarsipin deri nyang asli tanggal 3 November 1999. Dipungut 26 Mei 2023.
{{cite web}}: Check date values in:|accessdate=(pertulungan); Unknown parameter|dead-url=ignored (|url-status=suggested) (pertulungan) - ↑ "Mobile Legends Resmi Perkenalkan Hero Asli Indonesia, Kadita". kincir.com (dalem basa Indonésia). Dipungut 2019-08-13.
- ↑ a b c d "5 Karakter Legenda Nyi Roro Kidul dalam Video Game Dunia". Urbandigital (dalem basa Indonésia). 2018-09-14. Dipungut 2019-08-13.