Orang Baduy
Orang Baduy (Baduy: Urang Kanékés, Urang Cibéo) atawa kot-kotan cuman dibilang Baduy[1] nya'entu sekelompok kaum adat Sunda di wilayah peloksok Kabupatèn Lebak, Propinsi Banten.[2] Penduduknya ada barang 26.000 orang. Dia pada entu satu kelompok masarakat nyang ngrangkèng dèwèk deri dunia luar. Selaèn entu, dia pada juga' gableg keyakinan saru atawa pemali bakal dipotrat-potrèt atawa dijeprat-jeprèt, wabilhusus penduduk wilayah Baduy Dalem.
Orang Baduy keitung anakkaum dari kaum Sunda. Dia pada dianggep sebagé masarakat Sunda nyang belon kesawaban ama pembaruan atawa kelompok nyang ampir bener-bener kepeloksok acan.
Masarakat Baduy nampik istilah "wisata" atawa "pariwisata" bakal dia punya kampung. Semprakan taon 2007, bakal ngejaga' kekudusan dia punya wilayah, masarakat Baduy ngenalin istilah "Saba Budaya Baduy", nyang artinya 'silaturahmi kebudayaan Baduy'.