Oséani
Oséani (hurup Arab Gundul: اوسيانى) entu nama nyang dipaké dalem èlmu bumi bakal wilayah nyang nglingkup Ostrali, Polinési, Melanési, èn beberapa laèn-laèn negara pulo di sekulilignya. Ni juga' didaptar jadi salah atu dunia punya benua.
![](http://upload.wikimedia.org/wikipedia/commons/thumb/8/88/Oceania_%28centered_orthographic_projection%29.svg/220px-Oceania_%28centered_orthographic_projection%29.svg.png)
Istilah "Oséani" kaga' ijma' dita'ripnya. Adapun ta'rip nyang paling lumbrah bakal Oséani entu nglingkup antéro daèrah antara benua Asia ama Amrik, serènta Ostralasi, pulo-pulo di Lingiran Laotan Tedu, kaya' kepuloan Jepang, Taiwan, èn Pulo-pulo Aléut.
Di laèn sisi, kawasan lingkungannya (ecozone) nglingkup kabèhan Mikronési, Piji, èn kabèhan Polinési, ila Niu-Sélan. Kadang, orang maké itu istilah 'Oséani' bakal nglingkup cuman pulo-pulo Polinési èn Melanési di Laotan Teduh doang, laèn deri Australasi. Kapan Oséani dirèken laèn deri Ostrali, mangka itu Oséani punya bilangan diruju' sebagé "Ostrali èn Oséani".[1]
Dalem pèrsi Peserèkatan Bangsa-Bangsa punya bilangan géograpis, Oséani nglingkup juga' Ostrali èn negara-negara di Laotan Teduh, mulain Papua Ginéa Anyar wètan, kaga' ngikutin Kepuloan Nusantara èn Papua Indonésia.[2]
Adapun pemakéan lebi kecil deri Oséani sebagé benua cuman nglingkup Ostrali, Tasmani, Ginéa Baru, èn pulo-pulo di sekiterannya. Ni bagèan biasanya digero Ostralasi. Bahna ni sebab, kaga' bener dah bilang kalo Ostralasi – bagèan deri Oséani, sebab nyang dimaksud 'Oséani' entu masing kaga' danta. Ostralasi gableg ta'rip nyang saklek dalem èlmu bumi keidupan (biogéograpi) èn èlmu tana (géologi), ya'entu Ostralasi nglingkup Niu-Sélan, Ostrali (serènta Tasmani), Melanési, Ginéa Baru, èn pulo-pulo di Ostrali punya lor ama wètan doang. Ni pulo pada ada di belah kidul-wètannya lin Bali–Lombok, nyang bekèn sebagé Lin Wallace.
Negara èn wilayah tanggungan
permakWilayah tanggungan atawa daèrah husus di bawah ni biasanya ada nama negara penanggung nyang dalem gupitan ( ).
- Guam (Amrik Serèkat)
- Hawai (Amrik Serèkat)
- Kalédoni Baru (Prasman)
- Kiribati
- Mikronési
- Nauru
- Niu-Sélan
- Niué (Niu-Sélan)
- Ostrali
- Palau
- Papua Ginéa Baru
- Piji
- Polinési Prasman (Prasman)
- Pulo Cincin Johnston (Amrik Serèkat)
- Pulo Cincin Midwé (Amrik Serèkat)
- Pulo Cook (Niu-Sélan)
- Pulo Marsal
- Pulo Mariana Lor (Amrik Serèkat)
- Pulo Paskah (Cili)
- Pulo Pitkèren (Kerajaan Rempug)
- Pulo Suléman
- Pulo Wake (Amrik Serèkat)
- Samoa
- Samoa Amrik (Amrik Serèkat)
- Tokélau (Niu-Sélan)
- Tonga
- Tuwalu
- Walis èn Putuna (Prasman)
- Wanuatu
Ruju'an
permak- ↑ National Geographic. (k.t.). "Australia and Oceania: Physical Geography". National Geographic Society. Dipungut 23 Juli 2023..
- ↑ "UNSD — Methodology". unstats.un.org. Dipungut 23 Juli 2023.