Ruang Barjah

Ruang Barjah (urup Arab Gundul: رواڠ برزخ) atawa Kamar Barjah (urup Arab Gundul: کمر برزخ; basa Inggris: Liminal Space) kalo menjuntrung basa Inggris asal katanya deri kata limen (basa Latin) nyang artinya "barjah" deri waktu èn ruang, lajimnya kejadian pas lagi peralian orang. Jadi, enni waktu barjah sipatnya kaga' pasti. Ruang Barjah diartiin sebagé Ruang nyang ada di "watesan", di antara mimbar depan/belakang èn Ruang nyang lebih kuat. Enni Ruang Barjah kaga' jadi bagéan deri entu dua tempat. Ruang Barjah dibagi jadi dua, lahiriah èn batiniah.

Tampang Ruang Barjah

Ruang Barjah Lahiriah

Lajimnya, Ruang Barjah Lahiriah entu tempat nyang menjuntrung dua tempat, Ruang tunggu, pojokan Ruang, tempat nyang kosong, atawa bisa juga gedong tua kapiran. Kekawatiran entu buntutannya nyang bakalan dirasanin ama dia pada nyang ngabisin waktu di enni Ruang Barjah. Tulad deri Ruang Barjah Lahiriah entu:

1. Lapangan terbang
2. Stapsiun
3. Lorong rumah sakit
4. Kantor pas malem-malem
5. Kelas nyang sepi
6. Rumah kosong

Ruang Barjah Batiniah

Lajimnya, manusia sering banget ngalamin perubahan dalem kehirupannya, kaya' perobahan nyang gedé dalem idup èn kekaga'puguhan. Enni ihwal dijuntrungin ke setilah barjah nyang artinya wates deri kewontenan nyang udah kejadian ama nyang bakal kejadian. Dalem pendelengan sikolohi, manusia sering ngalamin takut èn kawatir pas enni wayah, enni dilantarin ama Ruang Barjah. Tulad deri Ruang Barjah entu:

Akil Balèk

Enni kejadian pas bocah-bocah udah mulain masup jadi rada gedéan. Enni bakalan bikin perasaan kaga' nyaman èn bikin entu bocah jadi pada bingung, lantaran perobahan deri pas bocah nyang kaga' nyaho-nyaho ke pas abégé nyang udah mulain ada punya pikiran atawa udah idep. Ihwal nyang belonan kejadian nyang bakal dia pada alamin entu kaya' rasa idep, napsu sèksuil, èn tanggung jawab orang gedé. Di sisi laènnya, abégé juga ada perlu rasa aman èn kepuguhan bakal ngembangin dia pada punya diri. Jadi, enni ihwal bisa juga disebut sebagé Ruang Barjah.

Abiskuliah

Bakal kebanyakan orang, sirot tarbiyah deri jaman bocah ampé jaman kuliah ada punya pola nyeng bolé dikira-kira umumnya. Cumanan, wayahnya kuliah tuh sudah, orang-orang bakal masup ke dunia nyeng beneran, rasa peréinya bolé jadi ketakutan bakal diri sendèwèk. Ni dia nyeng bolé disebut ruang barjah di mana akademik berobah beneran jadi pegawéan nyeng pingin dibangun masing jau deri sendèwèk punya kira-kiraan.

Ongkod atau tangèhan kréatip

Tangèhan kréatip bakal tukang-tukang seni atawa orang nyeng gawé seni laènnya tu salah hatu contoh deri ruang barjah nyeng ada tantangannya. Ni wayah meureun merluin wayah taonan bakal nyusun kerangka roman sebelon ditulis, ongkod bakal tukang maèn musik nyiapin lagu-lagu bakal dia punya album terusan, èn gawé seni ketempo nyeng berasa ga' pernah bèrès. Ada rasa kaga' pasti bakal seni, perasaan wayah atu karya seni meureun ga' tau sudah, atawa moal keungkap. Jadi tukang seni ga' gampang, lebih lagi rasa "ruang barjah" nyeng ga' ajeg bakal nambain rasa ketantang.

Patah ati atawa talak

Pas ubungan cingta-cingtaan udah abis, rasanya angèl èn hèsè. Perpisaan atawa talak bolé ngelantaranin perobahan bener di dalem masarakat, perasaan, sikolohis, èn laèn hal nyeng banyak berobah. Abis wayah perpisaan, meureunan hatu orang kerangkèng dalem ruang barjah betaon-taon sebelon dia bolé nangtung balik èn jalanin dia punya idup.

Pindah ruma

Sama kaya' perpisaan, pindahan lahiriah gè' bisa nyiptain "barjah" di dalem pikiran. Rumah entu bagéan deri atu idèntitas, di luar deri tempat tu rumah cenggablèg, èn pegimana rupanya.

Bunting èn lair

Adanya bocah bolé dapet peran dalem wayah "barjah", wayah bunting sendèwèk wakilin atu perpindaan, kekaga'ajegan èn perobaan lahiriah, serènta perasaan ibu nyeng bakal kena pengaruh selamanya. Merojolin anak kaya' ngetug bakal babak keidupan anyar. Terus, pas atu bocak menggedé èn mulain ninggalin rumah, ni ihwal bolé nyiptain barjah nyeng laèn bakal orang tua nyeng sokanan digero' "penyakit sarang kosong".

Tu enem ihwal nya'entu ruang barjah batiniah nyeng lumberah dialamin ama manusia. Setilah "barjah" ora keterusan ngeja orang ngerasa gereges atawa linglung, tapi juga bisa baé jadi setarter anyar nyeng lebih baè' èn gedé deri wayah sebelonnya.

Kamar Barjah gè' bolé jadi tempat bakal singgah atawa sumber ilham

Di laèn sisi, pas udah keseringan jedog di tempat nyeng roman-romannya ditauin sebagé ruang barjah, rasa-rasa kaya' ada di rumah èn nyaman bakal mumbul sendèwèk. Tempat tinggal marinya ngeja bagéan penting deri pengalaman sarian deri ruang idup èn jadi dasar bakal konstruksi identitas. Sebagé contoh, ruang nyeng dirasa meureun jadi "ruang", lantaran pancer utamanya tu bakal kegunaan, jarak, pegerakan, cuma kalo ruang nyeng dijedogin dikira sorangan èn dikeja ada ma'nanya liwat jeda, dijuntrungin ama indèntitas, èn dengen stabil èn keiketan. Meureun, entu ruang megar jadi tempat tinggal. Seroman ama tukang gawé di kantor nyeng ngerasa lebih nyaman pas ada di ruang barjah, kaya' di pojokan ruangan, dapur, atawa tangga darurat bakal ngasoh barang bentaran. Lantaran dia pada perlu banyakan ungkulannya kalo ada di ruangan nyeng damé sejahtera, kaya' ruang perhadring atawa lobi kantor. Terus, kalo ngiat sikolohis, manusia bisa panggihan dia pada punya gagasan atawa cara bakal nerusin idup pas ada di terap perpidaan. Ruang barjah ngerangseg manusia bakal berobah, ngetug ngarah ke laèn keidupan. Jadinya, ora panting keterusan tu ruang barjah ada punya dampak jelèk, tapi juga bisa jadi sumber kangetan èn ilham bakal tu manusia sendèwèk.