Sélong
| Kiblik Sosialis Kera'yatan Sri Langka ශ්රී ලංකා ප්රජාතාන්ත්රික සමාජවාදී ජනරජය (Singala) Srī Laṁkā Prajātāntrika Samājavādī Janarajaya இலங்கை ஜனநாயக சோசலிச குடியரசு (Tamil) Ilaṅkai Jaṉanāyaka Sōsalisa Kuṭiyarasu | |||
| |||
.svg)
| |||
| Ibu negeri | Kolombo | ||
| Nama pengendek | Sélong Sri Langka | ||
Sélong (hurup Arab Gundul: سيلوڠ) atawa Sri Langka (hurup Arab Gundul: شرى لڠکا; basa Singala: ශ්රී ලංකා Śrī Laṁkā; basa Tamil: இலங்கை Ilaṅkai) atawa resminya Kiblik[1] Sosialis Kera'yatan Sri Langka (hurup Arab Gundul: کبليک سوسياليست کرعيتن شرى لڠکا; basa Singala: ශ්රී ලංකා ප්රජාතාන්ත්රික සමාජවාදී ජනරජය Śrī Laṅkā Prajātāntrika Samājavādī Janarajaya; basa Tamil: இலங்கை சனநாயக சோசலிசக் குடியரசு Ilaṅkai Jaṉanāyaka Sōsalisak Kuṭiyarasu) entu atu negara pulo di Asia Kidul. Ni pulo ada di Laotan Hindi, di belah kidul-kulonnya Telok Benggala, kebelèk deri Semenanjung Hindi ama Telok Manar èn Selat Palek. Sélong watesan laot ama Maladéwa di belah kidul-kulonnya èn Hindi di belah lor-wètannya. Ni negara punya hopstad[2] nama Kolombo.
Sélong penduduknya entu kurang lebi kira-kira 22 juta orang èn ada banyak budaya, basa, ama ètnis. Orang Singala entu mayoritètnya deri ni negara, diikutin ama orang Tamil, nyang bekutet paling banyak di Sélong Lor. Itu dua suku ada punya embanan gedé ama ni pulo punya sejarah. Adapun laèn-laèn kaum nyang udah lama ngejogrog di situh antara laèn orang Koja (Morisku), Tamil Hindi, Berher (kacukan Èropa), Melayu (Jawa/Betawi), Tionghoa, ama Wèda.