Salahudin Ayubi
Salahudin Ayubi (hurup Arab Gundul: صلاح الدين ايوبى) atawa aslinya al-Nāṣir Ṣalāḥ al-Dīn Yūsuf b. Ayyūb (Kurdi: سەلاحەدینی ئەییووبی Selahedînê Eyûbî; Arab: الناصر صلاح الدين يوسف بن أيوب) (sek. 1138 – 4 Maret 1193) ièlah sorang penglima perang ama pejoang Selam Kurdi deri Tikrit (blèlirnya Irak wayah gini). Dia ngejagjagin Wangsa Ayubiah di Mesir, Suriah, sebagèan Yaman, Irak, Mekah-Medinah, Hijas, Diyarbakir, Oman, ama Palestèn.
.jpg)
Dia mah bekènan ama dia punya poyokan, nama Salahudin Ayubi. Salahudin bekèn di dunia Selam lantaran dia punya pimpinan, set militèr, serènta dia punya sipat nyang satria lagi adil pas dia perang nglawan Laskar Salib. Salahudin juga' atu ulama. Dia juga' ngasi catetan kaki ama penjelasan pasal Abu Daud punya kitab sunan hadis.