Statsiun Klèndèr

Stasiun Klender (urup Arab Gundul: ستتسيون کليندر) ni statsiun singketannya KLD. Enni statsiun entu statsiun sepur kelas III/kecit nyang letaknya di bèk Jatinegara Kaum, kecamatan Pulo Gadung, Jakarta Wètan. Walo dinamain Klèndèr tapi kaga' pisan letaknya di dalem bèk Klèndèr. Letaknya entu rada ke belaloran deri bèk Klèndèr. Enni statsiun ada punya empat jalur wayah gini.

Tampang statsiun Klèndèr

Gedongan èn tata gedong

Dulunya, enni statsiun kaga' pas ama panjang sepur lèstrik lantaran cuman bisa muat 6 wahon sepur, nyang 2 lagi kaga' kebagian. Jadinya orang nyang mau turun di enni statsiun kudu pindah wahon. Cuman wayah gini udah cukup dah bakal 12 wahon panjang pèronnya.

Sederi 26 Oktober 2018, enni statsiun uda paké gedongan anyar nyang gedongnya uda mutahir. Bentuk pèronnya juga uda dijadiin atu jadi pèron pulo nyang sebelonnya entu dua pèron kiri-kanan. Enni dilakonin lantaran bakal nyongsong kebolèan jalur dobeldua Manggari-Cikarang. Gedong lama nyang bekas kebakaran tanggal 19 Méi 2017, dirubuhin selagi pembangunan digawéin.