Surya (warung madang)
Surya entu warung madang nyang nanjain makanan Padang nyang lempengannya ada di Bendungan Hilir, Tenabang, Jakarta Sintrem. Ni warung madang entu sala atu nyang paling kolot di Jakarta, bahna udah jejeg semprakan taun 1960.
Sejarah
permakSurya dikeja ama Haji Ghazali, orang mendonan deri Minangkabo, di Pasar Mèstèr, Jakarta Wètan taun 1960.[1][2] Beberapa taun abis, pernahnya dipingser ke Pasar Bendungan Hilir ampé ni ari.[3]
Beberapa tokoh nyang bekèn nyang pernah mampir ke Surya antara laèn kaya' tukang masak Anthony Bourdain, nyang tau nyaba pas bulan April 2018.[1][4]
Tanjaan
permakDaptar tanjaan di Surya entu antara laèn rendang, ayam panggang ala Padang, ayam pop, sambalado ikan teri, ama gulé tunjang. Selaèn tanjaan has warung madang Padang, Surya juga' ada menu bofet kaya' nasi gorèng, mi gorèng, soto Padang, saté Padang, ama té telor.[1][3]
Budaya lumbrah
permakSurya tau jadi tempat nyènter pèlem Indonésia nama Love for Sale 2, nyang latarnya keidupan orang Minangkabo di Jakarta.[1]
Ruju'an
permak- ↑ a b c d "Asal Usul RM Surya, Rumah Makan Minang Legendaris di Jakarta Sejak 1960". Kompas.com. Dipungut 9 Juni 2024.
- ↑ "Rumah Makan Padang Surya Kini Dikelola oleh Generasi Ketiga". Republika Online (dalem basa Indonésia). 2023-01-12. Dipungut 2024-06-09.
- ↑ a b "Menjajal Rendang hingga Gulai Tunjang Legendaris di RM Surya Benhil". Kumparan.com. Dipungut 9 Juni 2024.
- ↑ Mustinda, Lusiana. "Datang ke Jakarta, Anthony Bourdain Mampir ke Rumah Makan Padang Surya". detikfood (dalem basa Indonésia). Dipungut 2024-06-09.