Tata Kemataarian
Tata Kemataarian (hurup Arab Gundul: تات کمتهارين; Inggris: Solar System) ya'entu atu buah tataan nyang ada di luar awang-awang nyang mana Mataari jadi raja ama jègernya, sekaligus jadi pancernya. Semua benda-benda langit kaya' bintang ider, bintang ider kecit, bebaton, debu, ama bintang sapu pating ngider-ngiderin Mataari nyang diitung sebagé setaon. Kalo ngeliat waktu taonan, saban bintang ider ada punya waktu nyang béda-béda, tuladnya, Bumi nyang ngider kuliling Mataari 365,2564 ari punya lama, nah kalu bintang ider Marih entu ngiderin mataari 686,971 ari punya lama.
