Vicente Costalago
Vicente Costalago (hurup Arab Gundul: بيسنتيه کوستالاݢو) entu surang ahli naskah, tukang karang, tukang sair, tukang terjemah, ama tukang perdata. Dia ada brojol di Spanyol èn mbelajarin basa-basa modèren di Uniwersitèt Mandiri Madrid ama mbelajarin Terjemahan èn Penapsiran di Uniwersitèt Mèncèster. Dia udah nulis ama nerbitin buku di macem-macem basa bikinan, wabilhusus di basa Interlingue èn basa Lingua Franca Nova.
Riwayat idup
permakDia mbelajarin basa-basa modèren ama Terjemahan èn Penapsiran di Uniwersitèt Mandiri Madrid. Dia udah nerbitin berapa matan di internèt paké macem-macem basa bikinan, kaya' basa Lingua Franca Nova, Interlingua, èn Interlingue. Dia punya gawéan nyang pertama judulnya La xerca per Pahoa (dalem basa Lingua Franca Nova), atu ceritra kecil pasal saparnya Joan nyang lagi nyariin pedang nyang namanya Pahoa, nyang cuman raja Lincuo nyang aci aja nyang bisa maké. Ni gawéan ceritra asli nyang pertama digemborin di itu basa. Entakonoh, dia ngeharkat ngegemborin gawéan dalem basa Interlingue. Dia punya buku nyang pertama ièlah Li sercha in li castelle Dewahl e altri racontas, nyang ada tiga ceritra di dalemnya, dengen berapa embanan deri Edgar Allan Poe punya Tell-Tale Heart di bagèan keduanya nyang judulnya Li Confession ('Pengakuan'). Dia punya gawéan abisannya, Antologie hispan, entu atu bunga rampé deri ponggahan-ponggahan terjemahan deri gawéan sastra Spanyol nyang paling penting. Abis entu, ada lagi Fabules, racontas e mites atu omplokan ceritra héwan, bulèng terdisionil, èn tahayul klasik nyang ditarjim ke basa Interlingue. Entakonoh, dia ngegemborin lagi Pensa, buku pertama nyang digemborin paké basa Mini, atu basa bikinan emit-emitan, nyang cuman gableg 1.000 kata doang. Abis entu, diintilin lagi dah ama gembornya Li tresor de Fluvglant, atu roman asli dalem basa Interlingue, èn La marcia nonconoseda, roman asli kedua nyang digemborin paké basa Lingua Franca Nova. Entak, dia juga' ngegemborin dia punya Juliade dalem basa Interlingua èn Antolojia espaniol dalem basa Lingua Franca Nova. Ni juga' diintilin ama gembornya Antologie de poesie europan dalem basa Interlingua èn Mikri Antologie, dia punya buku nyang digemborin paké basa Novial èn atu deri sekelemit gemboran di itu basa.
Bulan Agustus 2022, dia ngegemborin lagi Subuqti, atu ceritra asli dalem basa Interlingua, èn bulan Oktober tu tahon juga', omplokan sair-sair Verses escapat de di mente, dengen sair-sair asli dalem basa Interlingue. Dia juga' ngegemborin dah tu di itu bulan juga' dia punya gawéan nama Denova en la marcia dalem basa Lingua Franca Nova. Bulan Désèmber 2022, dia gemborin lagi dah Anidros dalem basa Interlingua, Poemas dalem basa Interlingua, èn buku ketiga deri rèndèngan "La Club de la Marcia" nyang judulnya La Club de la Marcia en peril. Entu bulan juga' dah bukunya nyang paké basa Spèranto La trezoro de Erokeriherria juga' nongtot.
Bulan Maret 2023, dia ngegemborin buku sairnya nyang paké basa Kulonan (Occidental) nyang judulnya Yo have ancor alquó a dir èn juga' di bulan Méi, dia gemborin lagi buku sair asli laènnya nyang dalem basa Interlingue nama Exea! ama Pensa rimada, atu buku sair asli dalem basa Lingua Franca Nova. Bulan Juli, dia gemborin buku laèn nama Kilglan, atu buku dalem basa Interlingua. Dia punya buku dalem basa Interlingue Nov Vive nongol bulan Agustus 2023. Bulan Oktober 2023, dia nggemborin lagi Rancur, atu ceritra asli dalem basa Lingua Franca Nova.