Wéwé gombèl
Wéwé gombèl (hurup Arab Gundul: ويوى ݢومبيل) ya'entu sétan nyang demen gondolin bocah-bocah cuman entu bocah kaga' diapa-apain. Katanya mah entu bocah digondol gara-gara didemènin aja kaga' diurus bener-bener ama orang tuanya. Wéwé gombèl bakal ngeja orang tuanya insap lantaran ditakut-takutin soalnya entu bocah nyang jadi anaknya. Kalo orang tuanya udah sadar, entu anak bakal dipulangin lagi ama wéwé gombèlnya.
Wéwé gombèl punya perawakan entu dia punya nènèn panjang bener èn gondoi ampé-ampé entu nènèn nyingsor ampé tanah. Wéwé gombèl juga seneng banget kuar pas menggerib-menggerib nyari bocah nyang kaga' pating pulang pas mataari udah jadi sandékala (soré-soré pas langit udah mulain kekonèngan atawa orèn).