Wa'aung

Wa'aung (hurup Arab Gundul: وأاوڠ) entu atu jenis kunyuk-kunyukan nyeng paling gedé. Kedaharan wa'aung keitung deri sayur, senajan juga' madang serangga. Hattanya, wa'aung bolé diguyubin jadi satwa pemakan apa aja. Wa'aung asalnya deri utan ujan tropis di Aprika. 97-98 percepè' DNA wa'aung sama ama DNA manusia. Wa'aung tu macem kedua abis simpanse nyeng paling mirip ama manusia. Ada dua macem dalam jenis wa'aung, nya'entu wa'aung wètan èn wa'aung kulon.

Ciri has

Silverback gorila, Wa'aung lanang lebih kuat

Dibandingin bentuk awak manusia, wa'aung ada punya tangan èn kaki nyeng panjang, nyeng tangannya lebi panjang deri dia punya kaki. Dada wa'aung gedé èn separonya awaknya buluan, selaèn jeriji, muka, kèlèk, dampal sikil, èn dampal tangan. pala wa'aung goden, matanya kecit, èn warnanya cokelat. Wa'aung ora gableg buntut. Saban wa'aung ada punya idung laèn deri nyeng laèn, kaya' manusia nyeng gableg laèn-laèn cap tangan. Huntu wa'aung gedé ada 32.

Tengkorak wa'aung lanang èn wadon

Lima indera wa'aung ampir mirip ama manusia. Wa'aung lanang awaknya ampir dua kali gedénya nyeng wadon. Wa'aung kebanyakan madang tumbu-tumbuan. Saben sari wa'aung perlu 25kg kedaharan nyeng keitung deri daon-daonan, kembang-kembangan, biji-bijian, batang èn tangké puun, kelawan kuncup kembang. Kot-kotan, wa'aung gè' madang semut èn rayap. Lantaran boléin caèran nyeng cukup deri kedaharannya, wa'aung jadi kurang suka nenggak aèr.

Wa'aung ama dia punya anak.

Wa'aung tu satwa nyeng betrap calakan tinggi. Berapa penyaritauan nunjukkin kalo wa'aung bisa ngobrol paké basa peta, tulad wa'aung Koko èn Michael. Wa'aung tu satwa tukang malu èn nyeng bemasarakat. Wa'aung sokanan idup dalem atu kulawarga nyeng isinya 6-7 wa'aung. Atu kulawarga wa'aung keitung deri wa'aung nyeng paling kuat (suka disebut silverback gorilla, lantaran gegernya pèrak warnanya), dua atawa lebih wa'aung wadong èn laènnya tuh anakannya.

Kalo anak wa'aung uda gedé, dia sokanan minggat bakal nyariin kulawarga wa'aung nyeng laèn. Saben peteng sebelon bobo, wa'aung ngeja sarangnya bakal jadi dipan nyeng isinya daon-daonan, tangké, atawa rumput-rumputan. Cendekiawan nyeng ngaji soal wa'aung gampang banget bisa ngira-ngira jumblah anggota kulawarga wa'aung. Caranya tuh ngitungin jumblah "dipan"-nya.

Wa'aung gableg idupnya neba' ampé 50 taon di drèntin. Di alam liar, wa'aung sokanan nyampé 35 taon baé. Wa'aung bisa kawin pas umur 10-12 taon. Wa'aung wadon bunting bangsa 8 ampé 9,5 bulan èn gableg berojolin 3 anak wa'aung selama dia punya idup. Orog wa'aung gableg ngerangkak pas umurnya 2 bulan èn bisa lancar ngetug pas umurnya 9 bulan (duluan deripada orog orang).

Anceman punah

Cendekiawan pada ngira-ngira kalo tinggal bangsa goban wa'aung lagi nyeng ada di alam di Aprika. Kebanyakan deri ni jumblah tu wa'aung kulon. Wa'aung wètan cuma timbang nocèng go baé. Wa'aung gunung jumblahnya timbang 600 èn lagi ngalemin masa-masa anceman punah.

sènggètan luar

• (Inggris) kabèhan soal wa'aung Archived 2023-06-05 at the Wayback Machine
• (Inggris) Paguyuban penyelametan wa'aung Archived 2019-04-03 at the Wayback Machine
• (Inggris) Yayasan Dian FosseyArchived 2008-02-22 at the Wayback Machine