Wikipédi:Makalah gacoan/Patokan
Atu makalah gacoan ngegambarin hasil gawéan nyang paling yahud di Wikipédi ama mampangin pakem monès penulisan, pembèbèran, ama penukilan sumber. Selaèn manut ama semua kebutuhan pakem bakal makalah Wikipédi, makalah-makalah pilihan gableg ni ciri pada.
- Tu makalah:
- baè' ditulisnya: karangannya gableg rèntètan ama rancangan kalimat nyang baè', hata nyang ajib pisan.
- nutugin: ngebahas kabèhan kenyataan ama tèktèk bengèk utama serènta kaga' gableg sènggètan mèra nyang kebanyakan.
- diperdatain baè'-baè': pernyataannya pada bisa dipastiin ke sumber nyang kena dipercaya ama joto ngegambarin bahan pengetauan nyang udah diterebitin; pernyataannya didukung ama bukti husus èn tukilan luar (liat penyabitan ama sumber kena dipercaya); ni nglingkup juga' pengisian bagèan "Ruju'an" nyang nyatut sumber, ditutugin ama tukilan di awak makalahnya.
- nètral: ngewakilin delengan nyang adil ama kaga' sanggelir atawa dèngdèt (liat sudut pendelengan nètral); cuman, makalah kaga' misti ngongsogin pengliputan ke pendelengan minoritèt nyang sembabad.
- panteng: bukan jadi selèk-selèkan permakan èn itu isinya kaga' berobah-robah ari ke ari; pembalikan penggratilan ama pengembangan berales usulan pemerèksa kaga' masup dalem ni ta'rip.
- Tu makalah surup ama pakem nyang diatur di dalem pedoman setil ama ProyèkWiki nyang pantes, keitung di dalemnya ngongsogin:
- mukadimah: atu bagèan pembuka nyang mèdèngin kabèhan topik ama nyiapin pembaca bakal tètèk bengèk lanjutannya di bagèan-bagèan abisannya;
- telepekan nyang joto: sistim telepekan judul nyang padet tapi kaga' ngèderin (liat pertulungan bagèan); serènta
- catetan kaki nyang ajeg: sepegimana nyang disaratin ama patokan 1c, tukilan di baris nyang ajeg kebentuknya paké manhad catetan kaki (<ref>Badu 2010, hlm. 2</ref>) atawa pengruju'an Harwat (Badu 2010, hlm. 2)—liat tukil sumber tulisan bakal inpormasi manhad pembentukan ruju'an nyang disaranin, èn inpormasi nyang kudu ditarohin. Kaga' misti paké sablonan penukilan.
- Gepokan wasilah. Tu makalah kudu gableg gambar nyang pas bakal dia punya pasal, nyang ngelah keterangan gambar nyang nutugin, serènta ongji hak keja nyang keterima. Tu gambar kudu ngrikut ama kita punya belèd pemakéan gambar.
- Panjang makalah. Tu makalah kudu ngelah panjang nyang nutugin; ajeg ngomongin ihwal poko', sonder muter-muter njabarin tètèk-bèngèk kaga' perlu (liat juga' setil ringkesan).