Abdul Chaèr
Abdul Chaèr (hurup Arab Gundul: عبد الخير; 8 Nopèmber 1940 – 13 Sèptèmber 2022) entu atu ahli èlmu basĕ Indonésiĕ. Diĕ tau ngajar èlmu basĕ umum, èlmu ma'nĕ, èlmu basĕ kemasarakatan, amĕ èlmu basĕ kejiwaan di Uniwersitèt Negeri Jakartĕ amĕ Uniwersitèt Muhammadiyĕ Hamkĕ. Selaèn ngajar, Abdul Chaèr jugĕ getap jadi tukang nulis makalĕ di macem-macem guyub (konferensi) basĕ serèntĕ jadi mualip buku macem-macem pasalan basĕ Indonésiĕ. Diĕ juga' gablek ngebadek gawéan-gawéan pasal basĕ amĕ kebudayaan Betawi. Mangkĕnyĕ, diĕ adĕ punyĕ jasĕ segabrek-gabrek bakal basĕ Betawi juga'.