Apganistan

Imarat Islam Apganistan د افغانستان اسلامي امارت (Pastun) Də Afġānistān Islāmī Imārat امارت اسلامی افغانستان (Dari) Imārat-i Islāmī-yi Afghānistān
Ibu negeri	Kabul
Nama pengendek	Apgan

Apganistan (hurup Arab Gundul: افغانستان; Pastun: افغانستان Afġānistān; Dari: افغانستان Afghānestān) atawa Negeri Apgan (hurup Arab Gundul: نݢرى افغان) atawa resminya Imarat Islam Apganistan (hurup Arab Gundul: امارة اسلام افغانستان; Pastun: د افغانستان اسلامي امارت Də Afġānistān Islāmī Imārat; Dari: امارت اسلامی افغانستان Emārat-e Eslāmi-ye Afghānestān) entu atu daèrah di Asia Sintrem. Ni negara watesan ama Pakistan di beludiknya ama blètannya, Iran di bekulonnya, Turkmènistan, Usbèkistan, ama Tajikistan di blèlir, èn Tiongkok di belah lor-wètan jau. Adapun hopstadnya – Kabul.

Apganistan wayah gini dibestir ama Taliban, abisnya bubar Kiblik Islam Apganistan, nyang diakuin secara antèrobangsa, tanggal 15 Agustus 2021. Di jaman bahola, orang pada nglèwatin ni tempat sembari ngebawa héwan ama barang-barang bakal didagangin, sebab ni negara ngubungin Tiongkok èn Hindi ama Asia Sintrem èn Wètan Tenga.

Ni negara luasnya sekitaran 652.230 km² (atawa sepantes ama 251.826 mi²). Ada 41 jutaan orang nyang tinggal di Apganistan. Ada juga' sekitaran 3 jutaan orang pengungsi nyang ada di Pakistan èn Iran bakal selama beberapa waktu. Di tahon 2011, dia punya hopstad, Kabul, ada punya sekitar 3.691.400 orang nyang tinggal di situ.

Adapun orang Apganistan digeronya orang Apgan (hurup Arab Gundul: اورڠ افغان).