Pakistan

Pakistan (hurup Arab Gundul: فاكستان‎; Urdu: پاکستان Pākistān) atawa resminya Kiblik Selam Pakistan (hurup Arab Gundul: کبليک اسلام فاکستان‎; Urdu: اِسلامی جمہوریہ پاكِستان‎ Islāmī Jumhūriyah Pākistān entu atu negara di Asia Kidul. Ni negara samping-sampingan ama Hindi, Iran, Apganistan, ama Tiongkok. Ni negara juga' ada punya garis lingir panté di sepanjang Laot Arab di bekidulnya. Pakistan entu negara paling banyak ke-5 penduduknya (207,77 juta) di dunia èn negara nyang orang Selamnya paling banyak ke-2 di dunia abisnya Indonésia. Jumblah kabèhan Pakistan punya daratan entu 880.940 km² (340.130 mi²) (serènta Ajad Kasmir èn Gilgit Baltistan nyang dikontrolir ama Pakistan). Ni nyang ngeja Pakistan jadi negara paling gedé ke-34 di dunia. Pakistan gableg soldadu paling gedé ke-7 di dunia. Pakistan punya hopstad nama Islamabad. Sebelonnya tahon 1960, hopstadnya entu Karaci, nyang sekarang jadi kota paling gedénya. Selamanya tu Islamabad lagi dibangung, kota Rawalpindi perna jadi hopstad sementara deri 1959 ampé 1957.

Kiblik Selam Pakistan اِسلامی جمہوریہ پاكِستان‎ Islāmī Jumhūriyah Pākistān
Flag Coat of arms
Motto: ایمان، اتحاد، نظم Īmān, Ittihād, Nazam "Iman, Rempug, Keatur"
Anthem: قَومی ترانہ Qaumī Tarānah "Tembang Kebangsaan"

Nama Pākistān artinya 'tana nyang suci' dalam basa Parsi ama Urdu.