Basa Mardèker
Basa Mardèker entu basa peranakan dasaran Portugis nyang tau ada di Jakarta.[1] Ni basa dulunya basa aslinya orang Mardèker. Ni basa dasarannya diperkenalin pas awal-awal dijejeginnya penjogrogan Welanda di Betawi (wayah gini Jakarta).[1] Orang Welanda pada boyongin dia punya budak deri jajahannya nyang dicedèk deri Portugis, èn itu basa peranakan Portugis jadi basa kongko (lingua franca) di entu kota baru.[1] Namanya dicomot deri basa Welanda nyang artinya "orang merdéka", bahna itu budak pada dilosin rep abis ngejogrog di situ.[1] Ni basa lama-lama keisal ama basa Betawi di pengabisan abad ke-18, sebab orang Mardèker pada kawin kisaran ama laèn kaum ampé idèntitètnya pada ilang. Cuman, barang tahon 1670, serombongan orang 150 pada mijah ke tempat nyang wayah gini digeronya peminggiran Tugu, di mana dia pada opènin dia punya basa, nyang digeronya Papiá, ampé 1940-an.
| Basa Mardèker | |
|---|---|
| Papiá Tugu | |
 Orang Tugu lagi maènin lagu-lagu keroncong | |
| Basa aslinya | Indonésia |
| Region | Jakarta |
| Kaum | Orang Mardèker |
| Paèh | 2012 |
Basa kréol dasaran Portugis
| |
| Kode basa | |
| ISO 639-3 | Kagak ada |
| Glottolog | Kagak_adamala1533 Kréol Malaka–Betawi |
| Linguasphere | 51-AAC-ahd |
Catetan ni basa nyang paling gaèk entu dicatet dalem atu daptar kata nyang digemborin di Betawi tahon 1780, nama Nieuwe Woordenschat.[2] Orang paling akir nyang gapa ngomong ni basa namanya Oma Mimi Abrahams nyang wapat tahon 2012[1] èn basanya tinggal ada di lagu-lagu lama Keroncong Moritsku (Keroncong Tugu) doang.[3]
Ruju'an
permak- ↑ a b c d e Liberti, Pasti (14 Maret 2017). "Matinya Bahasa Kami". detik.com. Dipungut 2 Juli 2024.
- ↑ liat Nieuwe Woordenschatm uyt het Niederduitsch in her Maleedsch en Portugeesch, zeer gemakkelyk voor de errst op Batavia komen (1780)
- ↑ "Punahnya Bahasa Kreol Portugis..." [Extinction of the Portuguese Creole Language...]. Kedeputian Bidang Ilmu Pengetahuan Sosial dan Kemanusiaan (dalem basa Indonésia). 2015-11-03. Diarsipin deri nyang asli tanggal 2020-08-08. Dipungut 2020-05-10.
{{cite web}}: Unknown parameter|dead-url=ignored (|url-status=suggested) (pertulungan)